Dosente Institutu Sao Joao Brito Liquisá nain-150 sei tuir formasaun iha INFORDE fulan oin

Dili (Rápides Info)- Ministeriu Edukasaun no Institutu Sao Joao Brito Likuisá formaliza kuarta (19/11) ohin selebra akordu ho Ministeriu Edukasaun hodi fó oportunidade ba dosente na’in-150 tuir formasaun kona-ba dosente nian iha Institutu Nasionál ba Formasaun Dosente no Profisionál Edukasaun (INFORDEPE, sigla portugés) hodi bele hasae sira-nia abilidade hodi hodi garante kualidade ensinu iha institutu Sao Joao Brito.
Iha formasaun faze dahuluk sei hahú iha loron 1-6 dezembru 2025 ho Profesór hamutuk ema na’in- 125 depois sei kontinua formasaun ba faze daruak iha 8-13 fulan-dezembru nafatin ho profesór na’in-125.
Modulu ba iha formasaun ne’e mak iha lima venasaun preparasaun depois pedalójiku kurrikulu, informasaun no asitiu nian no fraternidade umanu.
Sekretáriu Estadu Ensinu Sekundária Jerál no Tékniku Vokasionál Domingos Lopes Lemos hateten, Ministeriu Edukasaun pevee orsamentu atu fó formasaun ba profesór hamutuk na’in-250 husi Institutu Sao Joao Brito Likisá.
“Formasaun ne’e sei halao iha INFORDEPE oinsá atu eleva abilidade dosente sira liliu dosente sira husi Institutu Sao Joao Brito Likisá. Ida ne’e formasaun importante ba profesór sira tanba nu’udar formasaun karreira dosente alende hasae sira-nia abilidade halo mudansa mós ba sira-nia karreira hanesan dosente”,Domingos Martins hateten ba jornalista hafoin partisipa selebra akordu Ministeriu Edukasaun ho Institutu Sao Joao Brito ba formasaun formasaun bolsa kandidatura ba dosente husi Institutu Sao Joao Brito ne’ebé hala’o iha salaun INFORDEPE Balide kuarta ne’e.
Iha fatin hanesan, Prezidente INFORDEPE Domingos Martins, hateten, husu ba professores sira tenke tuir formasaun ida ne’e hodi nune’e sai formadór ne’ebé iha prinsipiu.
“Ha’u hanoin ne’e formasaun ida ke importante tebe-tebes ne’ebe maka presiza Profesór sira. Oinsá profesór sira tenke sei iha seriedade hanorin”,nia afirma.
Nia dehan, nuudar profesór tenke iha formasaun karakter nuudar profesór ne’e iha prinsipiu tenke avansa inisiativa nee maka tenke lao.
“Tanba ne’e maka ha’u husu durante loron neen ne’ebe sira halo tuir formasaun ne’e tenke ho seriu, atu nunee sira bele aproveita oportunidade ne’e ho di’ak”,nia subliña.
Iha fatin hanesan, Reitór Institutu Sao Joao Brito Padre Isaias Abilio Caldas, hateten, hetan apoio husi liu Ministeriu Edukasaun iha Governu ida ne’e hodi depoziita formadór sira hodi hasae kualidade edukasaun iha Timor-Leste.
“Hanesan oin iha ha’u nia diskursu ha’u dehan ida ne’e ami haree mais duke esperansa, tanba esperansa iha maibe ida nee hanesan konfiansa ida ne’ebe Estadu Timór liuhusi mnisterio lihusi governu ida nee depozita ba institutu”, nia afirma
Tanba ida nee konfiansa entaun hanesan institutu ida timorense Katolika sejuita sei aproveita formasaun ne’e ho responsabilidade.
“Ami aproveita konfiansa ida ho responsabilidade tanba hanesan hau dehan edukasaun timor oan nian ne’e ita hotu-hotu nia responsabilidade. Ema hotu-hotu, ami nia eskola hanoin señor ministra, no señor Sekretáriu Estadu sira ho senór Presidente Infordepe ita hotu-hotu preokupa kona-ba kualidade edukasaun”, nia haktuir.
Reitór ne’e dehan, hanesan Ministra Edukasaun iha nia diskursu dehan atu kualidade edukasaun o imperativu Politico e moral.
“Ne’ebé ha’u hanoin ita-nia edukasaun iha Timor kualidade liu-liu kualidade edukasaun nia demanda ida nee mak ita nia esperansa no esperansa ida nee ba ami institutu sai hanesan konfiansa ida ne’ebe tenke ezije ami-nia responsabilidade ami- nia estudante”, nia hatutan.
Entratantu tuir dadus estudante Institutu Sao Joao Brito Likisá hamutuk 646 kompostu husi estudante la ativu ne’e hamutuk- 100-resin no estudante ativu sira ne’e hamutuk- 400 resin nee husi primeiru ano to’o quartu ano dosente hamutuk-66, husi ema na’in- 66 ne’e dosente na’in-40-resin ne’e dosente ne’ebe hanorin.
Jornalista: Arnaldo Quintas Nunes
Editór: Mateus F. de Deus