DILI, (Rapides-Info) Sekretário Estado Komunikasaun Sósial (SEKOMS) Expedito Loro Dias Ximenes gárante katak, Universidade Nasional Timor Lorosa’e (UNTL) liu-husi Departamentu Komunikasaun Sosial sei produs jornalista ne’ebé ho kualidade iha futuru.
Lideransa ba Orgaun Komuniksaun Sosial hato’o lia hirak ne’e, iha ambito Komemorasaun Aniversariu Departamentu Komunikasaun Sosial nian ba dala-17 iha salaun Auditorium Fakuldade Siensia Sosiais Caicoli Dili, tersa 25 Novembru 2025.
“Iha tinan sanulu mai, Univerdade Nasional Timor Lorosa’e, sei produz jonalista ho kualidade hodi, nune’e bele lori informsaun ho kualidade tuir tranformsaun dizital ne’ebe oras ne’e lao, la’os ona tuir politika ne’ebe lao, maibe tuir tranfomsaun ne’ebe oras lao, ne’ebe ha’u hein katak ,estudante atus lima iha Departamentu komunikasaun soasial aban- bain rua sei sai jornalista”, Expedito hateten.
Sekretariu estadu ne’e mos iha konfiansa ba Lideransa Dekanu no Diretor Departametu Komunikasaun sosial no Reitor UNTL no estudante sira husi sei sai figura ne’ebe povu tomak hein.
Iha biban ne’e, Vise Dekanu III Fakuldade Siensia Sosiais Valente Gusmão Laranjeira, hatutan tan katak, selebrasaun Aniversariu Depratamentu Komunikasaun Sosial ne’e fó espirito ida ke di’ak ba estudante.
Vice Dekanu III ne’e lori Estrutura Fakuldade Siensia Sosiais hato’o mós parabens ba Departamentu Komunikasaun Sósial ba-nia Lideransa sira hotu, tanba tinan-17 la’os tinan ne’ebe kikoan.
Nia kónsidera katak, ezistensia departamentu ne’e, sai hanesan inspirasaun, nune’e ho aumenta tinan ne’e fó espirito ida ke di’ak ba estudante sira, nune’e bele konsiente vizaun saida mak tenke halo iha futuru.
“Ita hamutuk hanoin refleta saida mak ita halo, liu-liu liga ba loron independensia ne’ebe mak ita tama ona ba tinan 25, entaun ida ne’e hanesan reflesaun ida refleta buat hotu sai hanesan materia ida ba ih futuru ida ké di’ak”, nia argumenta.
Entretantu, Diretor Departamentu Komunikasaun Sosial Roberto da Costa Pacheo, husu Dosente no estudante sira hamutuk lori Departamentu Komunikasaun sosial hakat ba oin
“Iha okaziaun ida ne’e, ita mai selebra hamutuk aniversariu, espera katak, ita iha departamentu ne’e hatudu maturidade, ho ita nia servisu hamutuk ho ita nia kolaborasaun entre dosente ho dosente entre , dosente ho universidade nomos ho estudante sira hotu ita bele lao ba oin nafatin hanesan orgaun akademiku nian”, Diretor ne’e subliña.
Nia fundamenta, mesmu departamentu ne’e ho idade joven, maibe departamentu ida ne’ebe iha akeditasaun di’ak husi Aná valor B mak. Nune’e espera katak, iha tinan oin ho kolborasaun di’ak liu-tan.
Jornalista: Mateus F.de Deus
