LAUTEM, (Rápides-Info)-Komemorasaun Loron 28 Novembro Proklamasaun Indepedensia Timor-Leste dala-50 iha postu Lautem Munisipio Lautem responsavel husi Suku Baduru realiza iha aldeia Malai Lada.
Tuir Observasaun jornalista iha terenu nota katak, komemorasaun loron refere,responsavel parada husi eskola Ensinu Secundario Geral nu 1 Lautem.
Nune’e, hetan partisipa husi Administrador Postu Administrativu Lautem, Anacleto Horasio Fernandes Savio ho mos kargu funsionario tomak iha postu Lautem no mos autoridade Suku SanuluSanulu (10) hanesan, Suku Baduru,Maina I,Maina II,Serelau,Daudere,Euguisi, Ili-lahi,SCom,Pairara, Parlamento inklui Nain Veteranus no komunidade sira.
Administrador Postu Administrativu Lautem Anacleto Fernandes Horasio Savio husu ba partisipasaun sira atu fó minutu ida ba eroiku sira ne’ebe sakrafika sira nia an ba rai doben Timor-Leste ida ne’e.
“Ita halo minutu ida atu hakmatek no valoriza ba ita-nia eroi sira ne’ebe maka fo an ba ita-nia Indepedensia ha’u la temi ida por ida, maibe iha Timor laran tomak ita fo gloria no onra ba sira”, dehan-nia, hafoin dirije minutu hakmatek iha ambitu komemorsaun refere, iha aldeia Malai-lada, Sesta 28 Novembru 2025.
Maibé, hafoin dirije minutu hakmatek, administrador ne’e, hetan désmaia wain-hira le’é diskursu Prezidente Republika nian.
Nune’e, hafoin akontese Desmai, autoridade seguransa hamutuk ho ambulansia lalais evakua Administrador ba sentru Postu Lautem hodi halo tratamentu.
Iha fatin hanesan, Prezidente Komisaun Organizadora Selestino Eloi apresenta relatorio fundos ne’ebe finansial ba eventu 28 Novembro ne’e.
Nia hato’o, agradese ba PNTL hahú husi 20 Maio restaurasaun Indepedensia no to’o iha 28 de Novembro ba Proklamasaun Indepedensia asegura ona seguransa.
“Ha’u hanoin katak, ita hotu nia sakrifisiu ita hotu servisu makaas hodi, nune’e ita bele realiza serimonia da bandeira 28 Novembro ba dala-50 ninian, ne’ebe maka ita realiza iha suku Baduro iha fatin ida ne’e mos agradese ba estudante ba barada Ssra ne’ebe maka durante nee bele tuir formasaun no ohin dadersan sira konsege hasae bandeira”, nia fundamenta.
Nia dehan, orsamentu ne’e preve ba atividade komemorasaun ne’e total iha $4.795 ne’e kompostu husi Feira $2.225 dolar husi governu lokal husi munisipio ne’ebe maka aloka mai iha postu 1.600 maka ita koloka ba suku Baduro total orsamentu mai husi munisipio ba 1.800.
Iha mos kontribuisaun mosu husi ita-nia aman Veteranus sira $330 dolar amerikanu inklui mos husi komunidade balun ne’ebe maka oferese dolar lima ba kompanha lokal hamutuk ho kompanha nasional osan hamutuk $300, Eskola Marista Lautem $200, funsionario inklui PNTL osan hamutuk $135 .
“Hanoin katak, orsamentu ida ne’e ita-ia estrutura sub Komisaun Organizadora ba dias nasionais ida ne’e iha suku Baduro sira nia execusaun agora dadauk la’o hela,servisu balun ne’ebe maka karik la tuir ita hotu nia hakarak la tuir ita hotu ninian pensamentu hau nu’udar ema haraik an bele perdua hau ata atu nunee bele futuro mai sei prepara diak liu tan”, nia hakotu.
Jornalista : Arnaldo Quintas Nunes
Editór : Mateus F. de deus
