DILI, (Rápides-Info)-Prezidente da Repúblika José Ramos Horta, hateten, selebrasaun loron proklamasaun Unilateral independensia 28 de Novembro 1975 ba tinan-50 hanesan is lolon Identidade Nasional Timor Leste nian.
“Ohin ita selbra loron bot ida ne’e, loron ne’ebe sai hanesan is lolon ba ita nia identidade nasional, tinan 50, proklamasaun independensia la’os dei’it, loron ida iha kalendariu, memoria espiritu ne’ebe labele nakfera husi povo maske iha oras ne’ebe nakukun liu la lakon esperansa”, Xefe Estadu hateten liu-husi nia diskursu iha komemorasaun 28 Novembru realiza iha Palasiu Governu, sesta (28/11/2025).
Tuir Horta katak, tinan 50 liu-ba, laiha estudu universitariu, laiha diploma no laiha esperensia estadu, maibe povu tomak iha direitu dignidade ba auto determinasaun.
“Iha Tinan 50 liu ba, ha’u rasik hamutuk ho joven sira seluk, ami nia grupu oan ida ki’ik joven ne’ebe mehi laiha estudu universitariu balun la remata estudu ami barak mak halai sai eskola, maibe ami hotu-hotu dudu husi buat ne’ebe boot liu duque konesimentu akademiku, se mak dudu ami se mak dada ami, fiar ne’ebe makas katak Timor Leste mos iha Direitu atu moris livre”,
“Ami laiha Diploma maibe Ami iha korajem aten brani atu hanoin atu mehi buat ne’ebe balun hateten inposibel ami laiha esperensia estadu, maibe ami iha dei’it fiar katak povu tomak iha Dignidade ba Direitu no dignidade ba auto Determinasaun ba hetan respeitu hamutuk ho Nasaun sira seluk” , Xefe Estadu ne’e haktuir.
Tuir Observasaun jornalista nian iha terenu nota katak, ambitu komemorasaun ba tinan 50 proklamasaun independensia 28 Novembru 1975 ne’e hetan mos partisipasaun husi eis primeiru Ministro no Atual Sekretario Jeral Marí Bin Amudi Alkatiri no Jerneral Reformado Lere Anan Timor no mos extitular sira seluk.
Jornalista: Mateus F de deus
