Autoridade Suku Daudere ho Instituisaun Estadu Divulga lei Trabalho, SEFOPE la Partisipa

LAUTEM,(Rapides-Info)- Autoridade Suku Daudere Postu Administrativu Losplos, Munisipio Lautem lamenta SEFOPE Munisipiu Lautem la partisipa iha divulgasaun ba lei trabalho ba trabalhadores sira ne’ebe mak hetan partisipa hosi Ajensia Dezenvolvimentu Nasional (ADN) no Administrador Postu Lautem, no Instituisaun Diresaun Kadastras inklui Polisia Nasional Timor-Leste no Koordenadro Ministeriu Obras Publika nomos Xefe Aldeia sira.
Xefe Suku Daudere Agito Boavida, hateten, konvite ne’e husu partisipa atividade halo iha suku, nune’e agradese tebes, tanba los duni katak, husi lideransa nia hare assunto oin ne’ebe ita halibur iha nee, hanesan bai-bain, maibe iha valor ne’ebe boot tebes ba lideransa suku hotu-hotu, tanba governasaun ida nee foca liu ba iha desenvolvimento infraestrutura presisa duni atu halo desiminasaun informasaun ba lei sira.
“Ha’u senti kontenti tebes no buat ne’e importante no valor duni, tanba dala barak autoridade infrenta maka kuando infraestrutura ruma ne’ebe maka tama ema nia area ita hare empregador ho trabalhador sira ne’e dala ruma iha diskusaun barak, relasiona ba servisu ho buat lubuk ida ita tenke tun para bele fo solusaun”, dehan-nia iha diskursu iha serimona divulgasaun informasaun lei trabalho iha Suku Daudere, sesta (05/12).
Tuir xefe suku ne’e katak,programa divulgasaun ne’e, lolos SEFOPE tenke prezensa tebe-tebes, maibe dala-rua ona SEFOPE la partisipa ba assunto programa ida nee nia importante duni, tanba ne’e autoridade suku hamutuk ho Kadastra sira preokusaun ida mos ita halo desenvolvimento hare mos ba area Juridika ita labele naran tama ema nia lutu.
“Entaun kadastro ne’e ita presisa duni ba iha SEFOPE ita presisa para pelumenus nia desimina ituan lei trabalho nu.4/2012 ida ne’e ba trabalhadores hotu-hotu iha fati-fatin, para sira mos tenke hatene rona direita atu nune’e hakaman servisu lideransa nian ne’ebe maka iha tanba nee sira ida-idak hanoin rasik iha konesimento rasik, entaun atu akordu ruma ba lisaun ruma ami tau kestaun bo’ot tanba ne’e la’os buat foun, tanba nee ita pressisa tebes”, esplika nia.
Nune’e mos, Representa Administrador Postu Lautem Moises da Silva husu ba komunidade liu-liu trabalhador sira asunto lei trabalho ne’e, importante ba imi karik ladun komprende bele husu, ligadu infraestrutura atu servisu trabalhador tenke ser empregador no trabalhador.
“Mais komu situasaun maka hanesan ne’e ita nia diretor SEFOPE la marka presensa, maibe ida ne’e la’os sai kestaun ne’ebe asunto seluk ita sei koalia kona-ba salva guarda sosial no ambiental, tanba divulgasaun ba lei trabalho ha’u hanoin ita nia diretor SEFOPE la mai, tanba husu ba ita boot sira iha divulga ida ne’e hodi entende didiak saida maka orsida ita nia orador sira esplika karik la komprende ita boot sira bele husu direita”, nia dehan.
Aliende, Diretor Obras Publika Munisipio Lautem Abraun Vierra husu ba trabalhador no komunidade sira iha tempu sosializasaun ne’e apresenta preokupasaun hodi hatene kona-ba lalaok servisu iha tereinu oinsa atu Salva Guarda trabalhador sira iha tereinu, oinsa atu proteje ita nia ambiente sira iha servisu fatin no iha sosiedade nia leet.
“Projetu ne’e wainhira impletasaun sempre iha tereinu ne’e problema ha’u foti exemplu kiikoan ida, bainhira ita nia projetu bronjong ka penahan ida la’o iha ne’e iha momento ne’e, entre komunidade ho kompanha entaun iha problema ituan kona-ba lutu ne’ebe maka sobu autoridade postu administrativu sei la nonok, wainhira atu mai mos ami sei la ba direita iha ne’eba, maibe ami sempre halo kordenasaun ho nain xefe do suku konselu oinsa foti solusaun depois ami ba ne’eeba kordena ho entre lutu nain inklui projetu nain sira, hodi nunee fo solusaun kona-ba rai”, nia esplika.
Jornalista : Arnaldo Quintas Nunes