DILI, (Rápides-Info)-Diretór Aliansa Nasional Luta Kontra Krime Infantisidu, Timor Leste (ANCI-TL) José Turky informa, durante tinan 2025 nia laran rejista kazu ema so’e bebe hamutuk nain lima husi Munisiupiu tolu, hanesan Liquiça, Manufahi no Ainaro.
“Ezersisiu ne’ebe durante ita halo iha tinan ne’e nia laran, ita rejista kazu hamutuk lima, ne’e Munisipiu liquiça okupa iha primeiru lugar iha kazu rua, segundu Same iha kazu rua, iklui Ainaro main ida”, José Turky informa iha salaun FONGTIL, Kaikoli, sesta (19/12).
Nia hatutan, kazu ne’ebe rejista iha tinan 2025 nia laran, Timor Leste lakon bebe nain lima no autor sira submete ona ba prosesu judisiariu.
“Atu relata ba sosiedade katak, durante tinan ida hahu husi Janeiru to DezembruDezembru, ita lakon bebe nain lima, kondisionalmente bebe nain lima ne’e ita labele asegura, iha munisipiu liquça ita nia komunidade hetan bebe asu han tiha sorin, iha munisipiu Manu-fahi bebe ita la konsege salva, autor sira buti mate tiha ba soe iha mota laran”, nia relata.
Diretor ne’e fundamenta, kazu hirak ne’e liga ho prosesu judisiariu iha munisipiu liquiça kazu rua ne’e prosesu ona ba iha Ministeriu Publiku.
Aliende, Iha Múnisipiu Manu-fahi autor inan kaputura ona submente ona ba prosesu investigasaun, ikus liu munispiu Ainaro posto Maubisse, autor submete ona ba tribunal Suai.
Tanba ne’e, ligadu ho kazu so’e nafatin akontese, Diretor ne’e husu ba joven sira presiza kontrola an no halo relasaun sexual ho parseiru sira tenke iha responsabelidade atu hamenus kazu so’e bebe.
“Joven sira, ita boot sira mak hanesan futuru ba nasaun presiza kotrola ita boot sira nian aan, halo relasaun sexual ho ita boot sira nia parseira no parseiru importante iha respinsabelidade kuandu hamosu ona bebe tenke iha responsabelidade hamutuk”, José Turky hato’o.
Jornalista: Mateus F.de Deus
