Nilton Gusmao no Tenente Jenerál Falur tama lista kandidatu elezivél ba kargu Prezidente FFTL 2026-2030

DILI (Rapides Info)- Federasaun Futeból Timor-Leste sabadu (10/1) ohin anunsiu ba públiku kandidatu elezivél ne’ebé sei kompetensia iha estrutura foun ba FFTL foun periodu 2026-2030.
Komisaun independente ne’ebé eleze iha kongresu estraordinária iha outobru 2024 nune’e verifika kandidatu sira-nia dokumentu ne’ebé sira submete ho nune’e liuhusi verifikasaun ne’ebé komisaun ne’e halo ba kandidatu sira-nia dokumentu nune’e hetan kandidatu ne’ebé iha elezivél hodi kompete iha kargu Prezidente FFTL no Vise Prezidente Federasaun Futbal Timor-Leste mak hanesan Nilton Telmo Gusmao dos Santos no ho nia estrutura ezekutivu sira ne’ebé elezivél ne’ebé sei kompete iha kongresu FFTL tinan ne’e mak hanesan Domingos Raul Falur Rate Laek.
Kandidatu ba membru ezekutivu FFTL na’in lima ba periodu 2026-2030 mak hanesan Domingos dos Santos Caeiro, Henrique da Costa, Jose Luis Oliveira, Faustino Godinho da Costa no.Engracia Pimentel Fernandes.
Enkuantu kandidatu Prezidente Federasaun Futbal Timor-Leste (FFTL) 2026-2030 ne’ebé la elezivél hodi kompete iha kongresu FFTL tinan ne’e makFrancisco Martins da Costa P Jeronimo.
Portavós Federasaun Futbal Timor-Leste Amando dos Santos hateten, ohin Komite Independente hamutuk hodi pronunsia resultadu kandidatura sira nian ba públiku prosesu verifikasaun ida ne’ebe rigorozu,transparente hodi halao tuir deit ba regulamentu ne’ebe estipula ona iha kodigu Eleitoral no Estatutu FFTL.
“Kandidatura hamutuk ema nain ualu hanesan temi ona.Komite Independente pronunsiu resultadu naran kandidatura sira ne’ebe elejivél no la elejivél ba kongresu FFTL mandatu 2026-2030 mak hanesan Kandidatura Presidente FFTL ne’ebe elejivel ba kongresu periodu 2026-2030 mak hanesan Nilton Telmo Gusmao dos Santos no ho nia estrutura ezekutivu sira ne’ebé elezivél ne’ebé sei kompete iha kongresu FFTL tinan ne’e mak hanesan Domingos Raul Falur Rate Laek.No ba kandidatu ba membru ezekutivu FFTL na’in lima ba periodu 2026-2030 mak hanesan Domingos dos Santos Caeiro, Henrique da Costa, Jose Luis Oliveira, Faustino Godinho da Costa no.Engracia Pimentel Fernandes”, hateten Amando iha konferénsia imprensa ne’ebé hala’o iha edisiu FFTL Xanana Sport Center Fomoza sabadu ohin.
Nia dehan, Komite Independente hakarak parabeniza ba kandidatura hotu-hotu ba esforsu hodi bele submete proposta kandidatura hodi kompete,ho vontade no dedikasaun ne’ebe hatudu iha prosesu ida nee
“Komite Independente hakarak fó haksolok katak sira ne’ebe sei eleitu iha kongresu ordinariu mai, iha kompromisiu,vizionariu atu lidera Federasaun Futebál Timor-Leste ba futuro ne’ebé boot ho progressu no susesu iha dezenvolvimentu Futebol iha Timor-Leste”, nia kongratula.
Nia hatutan, Komite Independente agradese ho sinseru ba Publiku liu-liu amante Futebol,Asosiasaun, Federasaun no Klube sira ne’ebe iha fiar mai komite Independente,hodi halao prosesu ida nee ho Independentemente,ho integridade as,justu no imparsiál
Jornalista : Arnaldo Quintas Nunes.