Dili (Rápides -Info)- Sekretáriu Jerál Dewan Solidaritas Mahasiswa Pemuda Pelajar Timur Timur (DSMPPTL) Arquimino Ramos hateten, agora dadaun DSMPPTL serbisu hamutuk ho Universidade da Paz (UNPAZ) hodi oferese bolsu Estudu ba ema na’in 100.
Nia esplika, husi ema na’in-100 ne’ebé DSMPPTL identifika hodi sai hanesan benefisiáriu ba bolsu ne’ebé oferese UNPAZ DSMPPTL identifika kada ema husi munisípiu na’in lima inklui instituisaun superior hitu hanesan UNTIM, STIE, Politeknik Hera, IPI, PAM KT, PGSD, GFFTL nia ema sira ne’ebé uluk sempre fó apoia ba atividade Dewan Solidaritas Mahasiswa Pemuda Pelajar Timur iha 1998 hodi halo rezisténsia hasoru okupasaun Indonézia.
“Bolsa ne’e oferese husi UNPAZ ba DSMPPTT totál ema na’in -100. Ami foti husi kada Munisipiu nain lima no instituisaun ensinu superior ne’ebe uluk hola parte iha dewan mos nain lima . Ne’ebé iha sira ne’ebé asesu ba bolsu estudu hamutuk ema na’in-100”, Sekretáriu Jerál DSMPPTL Arquimino hateten ba Rápides-Info via telefone sabadu ne’e.
Sekretáriu Jerál Dewan Solidaritas Mahasiswa Pemuda Pelajar Timur Timur ne’e akresenta prosesu identifikasaun ba benefisiriu sira ne’e hahú la’o iha fulan kotuk no iha iha fulan fevereiru ne’e mak konklui.
“Sira ne’e eskola too remata Universidade da Paz mak haree”, nia afirma.Nia dehan, ida ne’e mak serbisu DSMPPTL nian hahú estrutura Dewan Solidaritas Mahasiswa Pemuda Pelajar Timur Timur halo hafoin estabelese tiha organizasaun ne’e.
Ekipa Rápides-Info
1 Comment