Dili,(Rápides -Info)- Dewan Solidaritas Mahasiswa Pemuda Pelajar Timur Timur (DSMPPTT) sabadu (6/6) ohin organiza aan halo limpeza tasi ninin aan hodi nune’e konsensializa komunidade labele soe foer arbiru no kuidadu tasi moos husi lixu, nune’e labele estraga ambiente flora no fauna tasi nian.
Atividade limpeza ne’e hahú husi tuku 07:00 too 8:00 hahú husi tasi ibun loja Seara no too Ministeriu Negósiu Estranjeiru Kooperasaun (MNEK) nia oin.
Atividade limpeza ne’e atu komemora loron DSMPPTT ba dala-28 ne’ebé sei komemora iha 07 juñu 2026.
Sekretáriu Jerál DSMPPTT Arquimino Ramos hateten, Dewan Solidaritas halo atividade limpeza iha tasi ibun Seara too MNEK nia oin hodi komemora loron ezistensia DSMPPTT nian ba dala-28 tinan ne’e.
“Atividade ne’e, ohin hahú limpeza iha dia 7, dader tuku hitu dader too tuku ualu limpeza iha parte Seara nian iha MNEK.Depois tuku 8:00 ne’e mai kontinua abertura Dewan Solidaristas Cup 2026”,Arquimino Ramos hateten ba Rápides -Info bainhira partisipa limpreza iha tasi ibun Praia dos Cuqueiros sabadu ohin.
Nia dehan, atividade ne’e objetivu atu konsensializa populasaun atu kuidadu tasi moos no kuidadu tasi husi lixu sira hodi labele fó impaktu ba flora no fauna iha tasi ibun.
“Atividade ida ne’e importante atu husu ita hotu, komunidade atu kuidadu ita-nia tasi”, nia afirma.
Ekipa: Rápides -Info
