Dili (Rápides Media)- Embaixadór Timor-Leste ba Repúblika Korea Súl António Benevides hateten, agora dadaun halo hela negosiasaun ho Governu Korea hodi husu aumenta tán kouta servisu nian hodi bele fasilita Timor oan bele ba servisu iha Korea Súl.
Nia dehan, dadaun ne’e kouta ne’ebé Governu Korea Súl fó mak iha área fábrika no peska, maibé ba oin sei ko’alia ho Governu Korea Súl bele aumenta tán ospitálidade no soldadura.
“Ita temi aumenta deit quota. Números ne’e depende ba sira. Agora ne’e Trabalhadores sira Servisu dt iha area Peskas no Fabrika. Maibe ita mós atu loke mos ba area Hospitalidade no soldadura”, Embaixadór Benevides hateten ba Rápides Info via watshapp kuarta ne’e.
Nia konsidera katak ospitálidade no soldadura área ne’ebé importante.
“Ita negosia hela ba ida ne’e. Agora ne’e trabalhadores sira servisu de’it iha área Peskas no Fabrika. Maibé ita mós atu loke mós ba área hospitalidade no soldadura”, nia afirma.
Ekipa Rápides Info
