Dili (Rápides Media)– Embaixadór Timor-Leste ba Repúblika Korea Súl António Benevides segunda (17/11) foin lalais ne’e iha realiza resesaun ida hodi komemora loron istóriku Timór sai nu’udar membru plenu ba organizasaun nasaun Sudeste Aziátiku (ASEAN, sigla inglés) ba dala-11.
Timór sai nu’udar membru plenu ba organizasun nasaun membrun ASEAN ba dala-11.
Momentu ida ne’ebé signifikadu tebes hodi marka kapitulu foun ba Timor-Leste iha komunidade rejionál.
Resesaun ne’e hala’o iha Novotel Ambassador Seoul Dongdaemun ho prezensa husi bainaka sira hanesan Deputadu Assembleia Nasional, Korea Súl Vise-Ministru Asuntu Multilaterál no Globál Repúblika Korea , Embaixadóres ASEAN rezidente iha Kórea, Embaixadores rezidentes sira iha Korea, representante organizasaun Internasionál ne’ebé rezidente iha Korea , Estudante husi Estadu Membru ASEAN, ofisiál Koreanu sira, Amo no Madre sira no komunidade Timor oan iha Kórea.
Programa hahú ho hinu nasionál Timor-Leste, Repúblika Korea no Hinu ASEAN, tuir mai iha mós aprezentasaun kulturál husi traballadór sira no estudante Timor oan iha Coreia, konvidadu sira haree mós video promosaun Timor-Leste kona-ba ASEAN, ne’ebé reflete dalan no kompromisu Timor-Leste ba integrasaun rejionál.
Iha deskursu Embaixadór Timor-Leste, hodi transmite mensajen husi Primeiru Ministru Xanana Guamao, ne’ebé le iha ambitu adesaun Timor-Leste ofisialmente nu’udar membru plenu ba organizasaun nasaun sudeste Aziátiku ASEAN ba dala-11 iha simeira ASEAN nian ba dala-47 iha Kuala Lumpur Malázia foin dadaun ne’e.
Iha deskursu Embaixadór Benevides mós kongratula iha Repúblika Korea Súl António Benevides mósklngrata Repúblika Korea Súl ne’ebé durante sempre apoia makas Timor-Leste nia adesaun ba ASEAN.
Iha okaziaun ne’e mós Xefe Rotativu ASEAN mós halo nia deskursu no taka ho diskursu kongratulasaun husi Konvidadu onra.
Iha mós sesaun foto hala’o ho Embaixadór Timor-Leste iha Repúblika Korea António Benevides ho Embaixadór sira Estadu membru ASEAN, Ofisiál Koreanu.
Iha ambitu resesaun ba komemora loron istóriku Timór sai nu’udar membru plenu ba organizasaun nasaun Sudeste Aziátiku (ASEAN, sigla inglés) ba dala-11, estudante no traballadór Timor oan ho traje tradisionál. Iha parte tuir mai, hala’o serimónia korta bolo no brinde reprezentante altas entidades hanesan Hon. Kim Gun no, Kim Jae-Shin Sekretáriu-Jerál Sentru ASEAN iha Korea ne’ebé fó énfase ba amizade, kooperasaun, no pasu importante ne’ebé Timor-Leste halo iha ASEAN.
Resesaun ne’e remata ho han kalan hamutuk no apresenta mos hahan gastronomia tradisionál Timor-Leste, hodi fó sentidu di’ak ba kultura, unidade no parseria forte entre Timor-Leste, Repúblika Koreia no ASEAN.
Ekipa Rápides Info
