DILI, (Rápides-Info)-Eskóla Kameli Timor Internásional School realiza serimonia gradusaun ba dala-II iha ba Estudante nain-18 iha Aldeia 4 de Setembru, Suku Comoro Dili.
Dirétora Eskola Kameli Timor Internásional School Rini F. A. da Cruz, esplika, objetivu atividade serimonia gradusaun ba daruak nia ba estudante hamutuk nain-18 ne’ebe mak pasa ona ba Primeiru Ano ka klase ida.
“Ohin loron ami halo segundu gradusaun ba tinan 2025, primeiru ami halo iha tinan 2024 estudante ne’ebe mak gradua hamutuk sanulu resin ualu”, Diretora ne’e hatene, iha okaziaun serimonia refere, Sesta (19/12).
Nia informa, eskóla refere mos prepara ona plano ba futuru oinsa mak atu melora Estudante sira lungua Igles no violino no sira seluk.
” Maioria sira sira ne’ebe mai eskola iha ne’e ho lian ingles ne’ebe maka menus, entaun iha ami hanorin sira ho lian Inan depois sira hatene ami kontinua ho lian igles, iha mos ligua portugues, iha mos lisaun ne’ebe mak extra violino Gitar, relijiaun, ami mos prepara relijiaun laos ba katolik nian maibe relijiaun sira seluk hanesan protestan no muslim no sira seluk tan”, esplika Diretora ne’e.
Nia sublina katak,Maioria manorin na’in iha Eskola Kameli Timor Internasional scholl mai husi Timoroan manorin nain Itenasional iha maibe Part time de’it.
“Manorin ba eskola ne’e rasik ami iha ne’e intrese liu balocal teacher, tanba ami hatene katak ita Timoroan mos bele, tanba ne’e ami kaer liman hamutuk ho timoroan sira eduka ita nia oan sira ho ita nia domin ho ita nia matenek ita mos bele atu eduka Timoroan, bele matenek no ba oin sira bele sai leder”, nia fundamenta.
Iha biban ne’e, Diretora ne’e husu ba Inan-aman ne’ebe mak intrese bele lori oan sira ba eskola iha eskola kameli Timor Internasional School.
“Tanba eskola prepara ona kondisaun hotu atu simu estuantes sira, atu forma estudante hotu atu sai matenek iha futuru oin mai”, nia konklui.
Entretantu, total Estudante sira ne’ebe Eskola iha Kameli Timor internasional School hamutuk na’in ( 78)
Jornalista Mateus F. de Deus
0 Comment