DÍLI (Rápides-Info) Forum Organizasaun Naun Govermentál Timor-Leste (FONGTIL) hamutuk ho Plan Internasionál ofisialmente halo lansamentu programa empoderamentu ba joven iha munisípiu haat kompostu husi Ainaru Ermera Ataúru no Vikeke.
Programa ne’e finasia husi Uniaun Europeia ho osan montante ho osan tokon rua no sei implementa husi Plan Internasionál, Care International no OXFAM.
Tuir Direitór Incencio de Jesus Sarmento hateten, Uniaun Europeia liuhusi Plan Internasional iha tinan kotuk selebra kontratu ho FONGTIL ba programa empoderamentu ba joven iha munisípiu haat kompostu husi Ainaro Ermera Ataúru no Vikeke.
“Ohin ita halo lansamentu ofisialmente atu implementa projeitu sira area kobertura iha munisipiu haat hanesan Ainaro Viqueque Atauro no Ermera. Projetu ne’e foku programa sira empuderamentu ba joven sira ativista rede setorais sira, oraganizasun feto,ema ho defisiensia komunidade LGBTQIA+, oinsa mak atu promove jusitisa sosial, Diretus Umanus ida ne’ebe enkluzivu no sustentavilidade iha Timor Leste”, Incencio hateten jornalista sira hafoin remata lansamentu programa empoderamentu joven iha munisípiu haat ne’ebé halao iha Hotel Timor kuarta ne’e.
Diretór FONGTIL ne’e esplika, projeitu ida ne’e nia durasaun tinan tolu hahu husi novenbru tinan kotuk to’o Novembru 2028, no ema rihun lima mak no ema sai benefisiriu ba iha projetu ne’e.
Incencio realsa, projeitu ne’e importante tebes oinsa mak atu promove jusitisa soasial promove Direitus humanus ida ne’ebe enkluzivu no sustentavilidade.
Iha fatin hanesan, Xefe Kooperasaun Uniaun Europeia iha Timor Leste, Iotam Lerer, haktuir, Uniaun Europeia hanesan organizaun ne’ebe suporta projeitu sira liuliu liga ba projeitu ne’ebé hanesan agora dadaun dadaun lansa ho sosiedade sivil atu apoia sosiedade sivil hakbiit joven sira iha munisipiu.
“Uniaun Europeia oraganizaun sira ne’ebe atu suporta projeitu sira. Ba ida ne’e Unaiun.Europeia apoiu millaun rua ba sosiedade sivil ba implementasaun projetu empoderamentu joven sira, ida ne’e atu haforsa Sosiedade Silvil. Projetu ne’e sei implementa husi tolu mak hanesan Care Internasional, Plan Internasionál no OXFAM nia afirma.
Nune’e mós Diretora Nasionál Politika ba Sekretaria Igualidade jeneru, Olga da Costa Monteiro, hateten, kompromentidu sei garante liberdade esprensaun ba feto no grupu oin oin atu iha espasu atu hato sira atunia lian
“Liberdade espresaun mak fundasaun ba iha demokrasia saudavel, Sekretaria Estadu kompromete atu salva gaurda liberdade espresaun ida ne’e ho garante katak, feto no grupu oioin iha espasu seguru atu hato’o sira nia lian hanesan parte husi diskursu publiku ne’ebe mak respeitu no inkluzivu, dezemvolvimentu inkluzivu labele Atinji se laiha partisipasaun hotu-hotu”, nia afirma.
Jornalista Mateus F.de Deus
