Governu entrega mate isin traballadór José da Silva ne’ebé mate iha Korea ba familia

Dili (Rápides Info)- Governu liuhusi Sekretária Estadu Formasaun Profisionál Empregu (SEFOPE) entrega mate isin José da Silva ne’ebé mate iha Korea ba familia atu haloot.
Matebian José da Silva nu’udar traballadór Timor oan ida ne’ebé servisu iha Korea iha área peska nian, maibé iha loron (5/11) matebian hakotu iis iha Korea tanba kauza husi moras komplikadu.
Nune’e iha loron (18/11) foin lalais ne’e matebian nia isin mate hahú transporta husi Aeroportu Incheon Seoul Korea no too iha Singapura iha loron ne’ebé hanesan nune’e iha loron (20/11) kontinua halo transasaun ba matebian nia isin mate husi Singapura mai Timor-Leste.
Hafoin matebian nia isin mate too iha aerportu Internasionál Nicolau Lobato SEFOPE entrega diretamente ba família.
Representa Sekretáriu Estsdin Formasaun Profisionál Emprego (SEFOPE) Jacinto Ribeiro Dias, hateten, nudar epresenta SEFOPE atu sentidu kondelensia profundu ba familia liliu matebian nia inan, maun alin nain tolu ne’ebe iha ne’e inklui autoridade suku ne’ebe akompaña mai hotu iha ne’e.
“Aa’mi hatoo sentimentu kondelensia ba familia”, hatete iha nia intervensaun bainhira entrega isin mate José da Silva ne’ebé hala’o iha Aeroportu Internasionál Nicolau Lobato kinta (20/11) ohin.
Nia dehan, Governu hamutuk ho família lakon eroi ekonomia Timor-Leste. Maibé ida ne’e mak prossesu jornada moris nian.
“Jornada moris ne’ebé mak mosu ba ita familia no Estadu maka ida ne’e lori mai ita tristesa ho nia kondisaun mate”, nia afirma.
Nia dehan, iha tinan liman ba kotuk família lori matebian José mai iha Aeroportu ida ne’e ho kondisoens hamnasa kontente no triste ho liafuan ne’ebe dala barak hameno mak ba ho maromak lao ho maromak servisu kuidadu an iha ema nia rain.
“Maibé ohin ita simu liafuan ne’e ita rasik mak koalia ba malu liafuan ne’ebe mak kuidadu an no ikus mai nia mate, tanba ne’e sentimentu ne’e laos triste deit ba familia, maibé Estadu ida ne’e mós lakon nia eroi ekónomia ida ne’ebe sai transforma ekónomia ba familia no ba rai ida ne’e”, nia subliña.
“Espera katak ninia mate bele transforma foun ba ita nia nasaun sai hanesan ita nia eroi sira ne’ebe maka mate tiha ba rai ida ne’e”, nia tenik tán.
Nia hatutan, ho reprezentante SEFOPE liu-liu diresaun tomak servisu ba area Korea ninia ofisialmente entrega saudoso matebian Jose Da Silva nia isin mate ba familia.
“SEFOPE husu ba familia matebian katak José isin ita la salva ona, maibé familia kopera ba malu salva Jose nia direito iha rai Korea”, nia fó- hanoin.
Jacinto Ribeiro husu ba família koopera malu ba haloot matebian José ho di’ak nune’e fila fali mai ho hakmatek koordena ho Asistente Adidu traballadór iha Korea hodi trata matebian nia dokumentu sira ba seguransa sosiál tanba nia iha direitu atu asesu ba ida ne’e asesu ba nrr.
“Nia ATM Adidu sira salva iha ne’eba, maibe depois funebre tiha rekomenda ba familia ho autoridade lokal iha nee atu prossesu nia dokumentos submete dokumentos sira para nunee bele lalais nia prossesu”, nia afirma.
Iha fatin hanesan Xefe Suku Lisa-Dila Fernando Lobo agradese ba Nonu Governu liu husi SEFOPE akompaña Jose da Silva sei moris ba rai Korea buka servisu bainhira mate akompaña nafatin lori fali mate isin mai entrega nia familia.
“Ita agradese ba Governu Timor-Leste Sekretáriu Estadu Formasaun Profissionál do Emprego ne’ebe maka prepara kondisaun ba ita-nia maun alin, ita-nia joven husi Timor-Leste ba servisu iha ema nia rain nia (matebian) sai primeiru ho kondisaun ne’ebe maka diak ita hotu hatene mais ikus mai buat hotu-hotu determina”, nia dehan.
Autoridad Suku Lisa-Dila ne’e dehan sei kopera familia matebian hodi salva direitu matebian nian iha rai Korea.
Tuir mai Biográfia matebian José da Silva:
José da Silva moris iha Munisípiu Likisá Postu Administrativu Maubara Suku Lisa-Dila aldeia Kaikasa iha loron 02/8/1994.Oan husi aman Luciano Alberto no inan Jacinto de Deus.
Matebian iha maun alin nain haat feto rua no mane na’in rua matebian nu’udar oan datoluk husi maun alin nain haat ne’e.
Matebian remata nia estudu iha eskola Sekundaria Likisá iha tinan 2012. Matebian hahú kursu dalen lian Korea iha sentru lian Korea iha Bekora hahú iha tinan 2017.
No matebian tuir teste komputadór báziku iha tinan hanesan nune’e matebian pasakedan iha ezame tama dahuluk lian Korea nian nune’e matebian ba Korea Súl iha loron 16/12/2017.
Matebian hala’o nia servisu iha Korea Súl durante tinan lima fulan 10. Matebian José da Silva hahú baixa iha ospitál hahú iha loron 30/10/2025. No hakotu nia iis iha loron 5/11/2025.
Jornalista: Arnaldo Quintas Nunes
Editór: Mateus F de Deus