DILI, (Rápides-Info), Eis Primeiru Ministru Marii Bim Amude Alkatiri husu ba ema hotu-hotu atu halo reflesaun iha ambitu selebrasaun loron Natal no tinan foun 2026.
Sekretariu Jeral partidu FRETILIN ne’e, hateten, besik atu selebra loron importante natal no simu tinan foun 2026.
“Mesmo diferensia religiosa, maibe husu ba religiaun katolika kristaun sira Timor-Leste iha loron rua tan ita kalan sei hader to’o meia noite para bele simu loron ne’e ho di’ak, ha’u ko’alia ba audensia ke maioria katolika kristaun biar ha’u la’os katolika la’os kristaun husi kiik kedas mai ha’u moris realidade ida ne’e ha’u nia relasaun maka ida ne’e duni barak liu ema katoliku ho ema kristaun ho religiaun oi-oin tanba ne’e hanoin loron ne’e, ita nia hotu loron para ita tama iha tempu ke susar ba ita nia rai,balun lakoi komprende ida ne’e, balun lakoi simu katak, ita tama iha tempu susar, maibe ita tama duni tempu susar ha’u nia apelu ba ema hotu-hotu atu tur hakmatek halo festa klaru bele halo festa nee loron natal loron moris ba kristaun katolika sira nia moris nai jesus kristu ninia” dehan Mari Alkatiri iha Gabinete salaun PodCast, Segunda (22/12).
Nia hateten, labele halo festeja de’it maibe halo reflesaun hodi repara an iha jornada foun ida ne’e.
‘Bainhira ita loron moris ita sempre halo festa ba ida nee tenke halo festa duni mais festa ba reflesaun mos festa labele hanoin deit atu dansa atu tebe atu halo hemu atu han, maibe tanba ita rai tama iha jornada foun ida ke susar tebes ba ita tempu ba ita atu halo reflesaun”, nia dehan.
Tuir nia,reflesaun ida ke klean oinsa sai husi susar ida ne’e liu-liu ba lideransa bolu naran lideransa nasional ba sira ne’ebe ukun na’inn sira atu hanoin diak, atu tempu jornada foun mai ne’e tempu ba atu hadia atu harii atu hametin atu haburas no atu habelar dezenvolvimentu atu hasai povu husi mukit husi kiak.
Nia husu, simu tinan foun ne’e lideransa sira servisu hamutuk ho ideias atu kria paz no estabilidade iha nasaun ida ne’e.
“Ba jornada ke todan hanesan ne’e tempu pressisa ita hotu buka dalan atu iha intendimento laiha lider laiha atan iha lider sim mais ho kolaboradores ne’e maka importante ita hare muda ituan ita-nia kultura do poder para ita bele mos simu loron ne’e ho di’ak husi ne’e ba oin kada loron, loron natal ba ita kada loron tinan tomak ita simu hanesan loron ba Paz estabilidade ba desenvolvimentu”, Mari esplika.
Alkatiri haktuir, Natal no tinan foun aniversario ba povu tomak liu-liu ba sira ukun nain para hatene katak, ukun mesak sei la ba fatin ida laos para atu ukun hamutuk hanoin hamutuk para ukun hateke ba oin nee maka importante.
Nia dehan, nu’udar katolika kristaun tenke halo reflesaun iha tinan-foun hodi fo solusaun ba demokrasia iha Timor-Leste.
“Katolika sira espesial ba kristaun sira espesial reflesaun klean liu atu bele buka solusaun se maioria la buka solusaun se maka atu buka solusaun, maibe demokrasia tenke iha nafatin partidus politikus tenke iha nafatin autoridades do estado, tenke iha nafatin nia baze mak konstituisaun nia fundasi maka leis, bainhira ita atu hanoin ba leis tenke hanoin katak, lei para estrutura leis, para hametin estado ida ne’e tenke nia baze konstituisaun, mais baze mos ba konsensu nasional balun la gosta koalia konsensu,konsensu ne’e la’os hotu-hotu hanoin hanesan konsensu ne’e atu kompromete nia an ba solusaun ida ke diak ba hotu-hotu nee maka komsensu”, nia konklui.
Jornalista : Arnaldo Quintas Nunes.
