DILI (Rápides-Info)- Prezidente Repúblika liuhusi dekretu Prezidensiál númeru 20/2026, 04 marsu nomea nia atuál Xefe Kasa Sivíl Jesuina Maria Ferreira Gomes ba kargu Vise-Ministra Negósiu Estrajeiru Kooperasaun ba periodu 2023-2028.
Prezidente Repúblika foti dezaun ne’e bazea ba Konstitusaun Repúblika Demokrátika Timor-Leste (RDTL) artigu 106 númeru 2 ne’ebé fó kompetesia ba Prezidente Repúblika nomea no fó pose ba membru Governu ida.
Iha konstitusionál RDTL kapítúlu II ne’ebé ko’alia kona-ba no reponsabilidade iha artigu 106 ko’alia kona-ba nomeasaun.
1. Primeiru-Ministru hili hosi partidu ida ne’ebé iha votu barakliu ka hosi aliansa partidu sira-ne’ebé iha nia ema barak iha Parlamentu no iha nomeasaun hosi Prezidente-Repüblika, wainhira rona tiha partidu politiku sira ne’ebé iha reprezentante sira iha Parlamentu Nasional.
2. Membru Governu siraseluk, Prezidente-Repúblika mak sei hili liu husi Xefe-Ministru nia proposta.
Entratutu agora dadaun Prezidente Repúblika José Ramos-Horta seidauk ajendadu bainhira mak atu fó pose ba Vise-Ministra Negósiu Estrajeiru no Kooperasaun (MNEK) Jesuina Maria Ferreira Gomes.
Rekorda fali katak, Jesuina Gomes molok ne’e asume kargu nu’udar Prevedora iha Prevedoia Direitus Humanus no Justisa (PDHJ) ba mandatu 2018-2022 no iha loron 11 Fulan-Jullu 2023 Prezidente Repúblika José Ramos Horta Nomea nu’udar Xefe kaza sivíl ba mandatu 2022-2027.Ekipa: Rápides- Info
