DILI (Rápides-Info)– Sekretáriu Estadu Kooperativa (SeKoop) Arsénio Pereira kuarta ne’e lansa dahuluk kuda Batar Kayrala (Bafo Kayraka) iha rai hetár ida nia leren iha area Laitelu Porlamano, Suku Mehara, Postu Administrativu Tutuala, Múnisípiu Lautém.
SEKoop Arsenio husu funsionáriu sira ne’ebé destaka iha postu Tutuala atu iha konsiénsia no komprimisiu hodi serbisu hamutuk ho Polísia Floresta sira, atu nune’e lansamentu ida-ne’e bele fó rezultadu di’ak iha futuru.
“Husu funsionáriu sira ne’ebé destaka iha postu sira atu iha konsiénsia no komitmetu hodi serbisu hamutuk ho Polísia Floresta sira, atu nune’e lansamentu ida-ne’e bele fó rezultadu di’ak iha futuru”, Arsenio iha nia intervensaun iha ambitu lansamentu Bafo Kayraka iha rai hetár ida nia leren iha area Laitelu Porlamano, Suku Mehara, Postu Administrativu Tutuala, Múnisípiu Lautém husi komunikadu ne’ebé Rápides-Info asesu kinta ne’e.
Iha fatin hanesan Administradór Postu Administrativu Tutuala, Carlito Pereira, enfatiza katak kolaborasaun entre funsionáriu SeKoop no pesoál Floresta importante tebes hodi tau matan ba toos ne’ebé kuda ona.
“Ho serbisu hamutuk ne’ebé di’ak, Postu Administrativu Tutuala bele hatudu katak kuda Bafo Kayrala, ne’ebé pertense ba aihan lokál, bele lori rezultadu di’ak,”, nia enkoraja.
Entratantu serimónia lansamentu kuda Batar Kayrala (Bafo Kayraka) iha rai hetár ida nia leren iha area Laitelu Porlamano, Suku Mehara, Postu Administrativu Tutuala, Múnisípiu Lautém ne’e hetan partisipasaun husi Komandante Eskuadra PNTL Postu Administrativu Tutuala Xefe Guarda Floresta destakadu Tutuala no funsionáriu SeKoop ne’ebé destaka iha postu.
Ekipa: Rápides -Info
