Dili (Rápideas- Info)- Padre Kapelaun FALINTIL-Forsa Defeza Timor-Leste (F-FDTL) Kapitaun Rui Gomes SDB iha nia úmilia hateten katak Sinzas nu’udar simbolu arependimentu ema nia oinsá atu halo diak ba ema seluk.
Padre Rui mós hateten sinzas nu’udar simbolu ba ema kristaun Katólika oinsá mak halo jejum durante tempu kuaresma.
“Kuarta sinza mak tempu atu arrependimentu, jejun no halo di’ak bá ema seluk, iha igreja Katólika loron ne’e importante tebes tanba fó oportunidade bá sarani sira atu reflete kona-bá sira-nia moris no hametin sira-nia fiar bá Maromak”, Padre Rui Gomes iha nia úmilia bainhira prezide misa kuarta feira sinzas ba familia boot instituisaun F-FDTL no Ministeriu Defeza iha salaun Kuartel Jenerál F-FDTL Fatuhada kuarta ne’e.
Nia dehan, loron Kuarta sinza fiéis Katóliku sira iha mundu tomak hala’o Misa espesiál atu hahú tempu Kuaresma, iha misa ne’e, padre tau au’ut desan iha rentos fiéis sira ho forma krús, hanorin katak ita ema mai husi rai no sei fila fali bá rai.
Entratantu partisipa iha Misa Kuarta Feira Sinza ida ne’e mak hanesan, Xefe Estadu Maiór F-FDTL Brigadeiro Jenerál José da Costa Soares ‘TRIX’, familia bo’ot Ministériu Defeza, Komandante Unidade Polisia Militár Tenente Koronel Grad Mateus de Jesus, Asesór Austrália, Ofisiál Superiór, Ofisiál Kapitaun, Ofisiál, Subalternu, Sarjentu no Prasa no mós família husi militár no Ministeriu Defeza, inklui militár sira husi Komponente no unidades tomak.
Ekipa Rápides- Info
