DILI (Rapides-info)- Komandante Jerál Polisia Nasionál Leste-Leste (PNTL) Komisariu Assistente Polisia Afonso dos Santos ho Segundu Komandante Jerál Polisia Nasional Timor-Leste (PNTL) Komisaria Assistente Polisia Natercia Eufrasia Soares Martins halo nomeasaun fó pose ba ofisiál Superiór PNTL na’in-11 hodi kaer responsabilidade iha Komandu Jerál PNTL.
Ofisiál Superiór PNTL sira ne’ebé simu pose ba kargu xefia hanesan Komadante Munisipiu no Segundu Komandante munisipiu mak hanesan Komandante PNTL Munisipiu Aleiu lidera husi Superintendente Xefe Polisia António da Luz, Komandante PNTL Munisipiu Manufahi lidera husi Superintendente Xefe Polisia Marcos Sequeira Nunes. Komandante PNTL Munisipiu Kovalima lidera husi Superintendente Xefe Polisia Paulino Carmo Pereira.
Enkuantu Segundu Komandante PNTL Munisipiu Vikeke Lidera husi Superintendente Polisia José Casemiro de Carvalho, Segundu Komandante PNTL Munisipiu Likisa lidera husi Superintendente Assistente Polisia Mateus da Costa Texeira no Segundu Komandante PNTL Munisipiu Manatutu Miguel Soares de Araújo.
Komandante Jerál PNTL Komisáriu Asisténte Afonso dos Santos mós nomea no fó pose ba Ofisiál Superiór PNTL sira atu asume kargu Xefia iha Departamentu Komandu Jerál PNTL mak hanesan Xefe Departamentu ba Pessoál formasaun lidera husi Superintendente Polísia Grasiano Moniz Amaral, Xefe Departamentu Protesaun no Natureza ba Ambiente lidera husi Superintendente Polisia Inacio Amaral, Xefe Departamentu Finansa no Orsamento lidera husi Superintendente Polisia Helena das Dores Alves, Xefe Departamentu Polisiamentu Komunitariu lidera husi Superintendente Assistente Polisia Domingos Sarmento Gama. Nomós, Xefe Depaprtamento Aprovisionamentu Interinu lidera husi Inspetór Xefe Adelberto Mau.
Komisariu Assistente Polisia Afonso dos Santos hato’o parabens ba ofisiais superior sira ne’ebé simu tomada de pose, kontinua hala’o servisu ho responsabilidade hatudu disipliña sai ezemplu diak ba membru Polisia hotu.
Nia mós husu atu hametin relasaun diak ho komunidade no lideransa komunitariu ho Autoridade Munisipiu no Veteranu sira hotu atu garante estabilidade seguransa ba komunidade iha munisipiu ho diak.
“Ha’u-nia liamenon mak ne’e sai komandante munisipiu ho segundu komandante Munisipiu no asume kargu xefia mak ne’e imi tenke hatudu ezemplu diak ho disipliña ba membru PNTL hotu atu hametin relasaun diak ho komunidade ida baze liu liu lideransa komunitáriu ho autoridade munisipiu no veteranus no relijiozu sira no sosiadade sivil atu garante estabilidade pásho hakmatek iha territoriu Timor-Leste”,Komisáriu Asisténte Afonso hateten ba jornalista sira iha Kuartel Jerál PNTL Kaikoli segunda (27/04).
Iha biban ne’e, nia mós husu Komandante PNTL Munisipiu sira hotu kontinua kumpre ba irarkia komandu hala’o servisu disipliña kontrola membru PNTL hotu halo misaun mak servir no protejer garante seguransa estabilidade pás ho hakmatek ba komunidade iha Territoriu Timor-Leste.
Ekipa Rápides -Info
