Dili, (Rápides -Info)- Diretór Ezekutivu Forum Organizasaun Naun Governamentál Timor-Leste (FONGTIL) Inocencio Xavier husu Governu atu deporta hotu sidadaun estranjeiru ne’ebé alegadamente iha Scamig Call Center.
“Deporta fila sidadaun sira ba nia nasaun orijen no proibi movimentu Xina Mai ita nia rain la ho ajenda klaru”,Inocencio hateten liuhusi Konferensia Impresa ne’ebé halo iha FONGTIL Kaikoli kinta ne’e.
Nia mós husu ba Governu hametin polítika nasionál no estrutura legál ba prevensaun no kombate krime sibernétika, inklui investimentu ba teknolojia, formasaun rekursu umanu no kooperasaun internasionál.
Iha biban ne’e nia mós husu ba Servisu Migrasaun no Autoridade relevante sira-Hametin kontrolu fronteira no troka informasaun ho instituisaun kompetente sira, tuir lei, atu prevene movimentu ilegál ne’ebé bele prejudika prosesu justisa.
Jornalista: Florentina Biaco da Cruz
