Dili, (Rápides -Info)-Primeiru Ministru Xanana Gusmao kinta ne’e lee primeira leitura iha ambitu serimónia misa ba funebre restu mortais preladu na’in haat iha Tasi-Tolu.
Restu mortais prelandu na’in haat mak hanesan Bispu Dom Jaime Garcia Goulart, Bispu Dom Joaquim Ribeiro, Monseñor Martinho Costa Lopes no Bispo Dom Alberto Ricardo da Silva.
Iha missa ne’ebé Ajendadu ona iha Kinta (10/9) ne’e tuku 17:00 ne’ebé prezide direta husi Arsebispo Metropolitano de Dili Dom Vírgilio Cardial do Carmo da Silva ne’e, primeiru Ministru Xanana Gusmao.
Xanana Gusmao lee primeira leitura husi livru profeita Izaias. Durante lee primeira leitura Primeiru mistru nakonu ho karisma midar ema sarani ne’ebé hatudu iha fiar Katólika.
Molok sa’e ba altar lulik Esplanada Tasi Tolu Primeiru Ministru Xanana Gusmao tuir iha fatin lee leitura nian hamutuk sarani sira ne’ebé indikadu lee leitura no kanta salmo.
Hafoin Misa remata iha altar Santo Tasi- Tolu Igreja hamutuk ho Igreja translada testu mortais preladu na’in haat Bispu Dom Jaime Garcia Goulart, Bispu Dom Joaquim Ribeiro, Monseñor Martinho Costa Lopes no Bispo Dom Alberto Ricardo da Silva, ba Igreja Katedrál Dili hodi haloot iha fatin deskansa ikus ne’ebé Governu no Igreja prepara ona.
Entratantu prosesu haloot restu mortais preladu na’in haat ne’e ho guarda de ondra militár ne’ebé sei tiru Salvo no tiru kainaum nu’udar jestu hodi fó ondra no glória hodi fó rekoñesimentu ba prelandu na’in haat nudar erói boot ba Timor-Leste liuhusi sira-nia kontribuisaun eskluszivu iha prosesu luta ba libertasaun nasionál.
Ekipa: Rápides -Info
