Dili, (Rápides-info)– Australian Broadcasting Corporation International Development (ABCID) fasita formasaun tékniku produsaun programa televizaun hodi nune’e iha futuru bele hasae kualidade programa sira iha Rádiu Televizaun Timor-Leste Empreza Públika (RTTL -EP) Formasaun ne’e halao durante loron rua ba hahú husi tersa ne’e 30/6 too 01 Juñu 2026. Formasaun ne’e sei ba tékniku peoditor RTTL 20-resin.Formasaun loron rua ne’e sei foku ba oinsá hasae kualidade produsaun liuliu ba programa iha Rádiu Televizaun Timor-Leste.
Sekretáriu estadu Komunikasaun sosiál (SECOMS), Espedito Lori Di’ak Ximenes hatete,Ohin Rttl EP halo formasaun ba produtores sira, tantu rttl EP nia parseiru ABCID ne’ebé agora daudaun Lauren Hillman hanesan Formadora ABCID durante loron rua nia laran tantu husi media rttl EP durante servisu hanesan produtor sira produz programa oioin.
“Hakarak nafatin autualiza dezenvolvimentu teknolojia agora daudaun tanba iha kompetidor media komvensional plata forma oioin ne’ebé agora iha. Rttl EP mós hakarak hasai hato’o saida mak sira, presiza halo hanesan kanal ofisiál estadu ninian atu nune’e kompetisaun saudavel iha.Rttl EP nia kobertura kuaze Munisípiu hotu-hotu no produsaun presiza aumenta hadia”, SEKOMS Expedito Dias Ximenes ba jornalista sira iha Ótel Timor bainhira abertura formasaun ba proditor RTTL sira tersa ne’e.
Governante ne’e dehan, formasaun ne’e la’os iha ambisiozu ka atu ba de’it produsaun maibé hare liu ba kuantidade produsaun.”Tanba ne’e ohin ha’u lori Governu Nuno Konstitusionál naran agradese mós ba Lauren Hillman, Formadora husi ABCID durante ABCID durante ne’e EBCID sempre fó apoiu mós ba Rttl EP no mós ezensia Tatoli ba iha servisu hamutuk no sira fó liu ba formasaun”, nia afirma.
Tanba formasaun ne’e nia objetivu prinsipál oinsá produtor sira, diversifika sira nia programa no sira ne’ebé iha kreatividade di’ak, no mós dala barak limita ho orsamentu, tanba ne’e iha orsamentu 2027.
“Sekretáriu Estadu komunikasaun sosial hanoin hela atu bele aumenta tan, orsamentu ba Rttl EP liu-liu sei oin ba eleisaun prezidensiál iha tinan 2027 no mós leslativa 2028 tanba ne’e mak formasaun ohin importante ba iha Rttl EP atu bele hanesan autualiza ho transformasaun dijital ne’ebé iha no mós la’o makas entre média komvensional ho dital sira”, nia dehan.
Iha sorin seluk Formadora ABCID Lauren Hillman, hatutan, iha loron rua ba oin hakarak fó formasaun kona-ba produsaun programa produsaun televizaun ninian ho nia ekipa Rttl EP no mós haree fila fali membru Governu programa dadaun la’o hela, no mós halo revizaun oinsá haree ezemplu sira, oinsá atu ba oin bele halo istoria ne’ebe barak liu tan programa barak liu tan, no mós atu bele hetan sponsor simkar atu apoiu hetan orsamentu husi ida ne’e.
Jornalista : Florentina Bianco da Cruz
