Dili, (Rápides Info)- Forsa Austrália liuhusi Programa Koooperasaun Defeza (Sigla inglés DCP) segunda ne’e ofisialmente entrega kazera rua no toilet ida ba Komponente Navál.
Fasilidade sira ne’e militár Australia mak konstrui liuhusi ezersisiu Harii Hamutuk ne’ebé halao iha jullu tinan ne’e enkuantu konstrusaun ba toilet rasik konstrui husi empreza Austrália RMS.
Kazerna rua ne’e sei fasilita militár komponente Navál hodi halo servisu militár nian.
Komandante Komponente Higino das Neves iha nia intervensaun hateten, hanesan Komandante Komponente Navál sente kontetente tanba liuhusi kooperasaun militár ne’ebé mak iha liliu ezersisu konjunta Harii Hamutuk 2025 konsege konstruui tán fasilidade balun ba forsa armada Timor-Leste liliu Komponente Navál.
“Ha’u-nia agradesimentu ba Governu Austrália liuhusi Programa Koperasaun Militár Defeza nian ne’ebé ohin konsege entrega fasilidade balun tán mai Komponente Navál. Ida ne’e siimboliza hametin liután kooperasaun ne’ebé mak iha,” Higino hateten iha nia intervensaun iha serimónia entrega Kazerna rua no tolet ida husi Austrália ba forsa Komponente Navál ne’ebé Baze Navál Hera segunda ne’e.
Iha fatin hanesan Adidu Defeza ba Timor-Leste Kapitaun Mar e Gerra Matthew Ricardson hateten, Austrália komprometidu kontiua apoia Timor-Leste ba iha setór defeza no área sira seluk.
“Ami-nia hakarak ba Timor-Leste mak sai forti, prosperu no rezilente liu, ami rekoñese liu tatntu Austrália Timor-Leste buka atu konstribui nafatin hodi hatán ba dezafiu sira seguransa iha Timór no rejiaun realtivamente iha maritima,”nia afirma.
Ekipa: Rápides Info
