Dili, (Rápides Info)- Komandu FALINTIL-Forsa Defeza Timor-Leste (F-FDTL) segunda ne’e liuhusi Komandante Komponente Navál Komodoro Higinio das Neves fó pose ba Kapitaun Fragata Graduadu Nicolau Sousa hodi asume kargu nudar Segundu Komandante Komponente Navál.
Liuhusi despaisu Xefe Estadu Maiór Jenerál Forsa Armada (XEMGFA) Domingos Raul Falur Rate Laek númeru 064/CEMG das FALINTIL-FDTL/IX/2025 nomea Kapitaun Fragata Graduadu Nicolau Sousa, hodi asume kargu nudar Segundu Komandante Komponente Navál hodi sunbtitui Segundu Komandante Komponente Navál sesante Kapitaun Fragata Guido Guterres da Silva.
Enkuantu Segundu Komandante Komponente Navál sesante, Kapitaun Fragata Guido Guterres da Silva, liuhusi despaisu Xefe Estadu Maiór Jenerál Forsa Armada (XEMGFA) Domingos Raul Falur Rate Laek númeru 195/DIV.Pesoál/QG-F-FDTL hodi asume fali funsaun hanesan Adjuntu Inspesaun iha Kuartel Jenerál Fatuhada Dili.
Kapitaun Fragata Graduadu Nicolau Sousa asume ba kargu Segundu Komandante Komponente Navál ba tuir lei orgánika militár ba tinan rua.
KomodoroHigino das Neves hateten, nomeasaun Kapitaun Fragata Graduadu Nicolau Sousa ba kargu Segundu Komandante Komponente Navál nia sei halo servisu ne’ebé di’ak.
“Nico laos ofisiál foun, maibé nia husi Komponente, nia hatene ha’u-nia servisu tanba nia hamutuk ho ha’u durante tinan rua, ne’e duni hatene saida mak nia bele halo,” Higinio das Neves hateten iha nia intervensaun iha ambitu fó pose ba segundu Segundu Komandante Komponente Navál Kapitaun Fragata Graduadu Nicolau Sousa iha baze Navál Hera segunda ohin.
Nia parabeniza ba Kapitaun Fragata Graduadu Nicolau Sousa ne’ebé Komandu nomeia ba Segundu Komandante Navál.
“Parabens ba ita. Responsablidade aumenta fiar katak ita sei servisu ho ha’u servisu ho ofisiál sira ne’ebé iha Komponente Navál hodi bele halo kna’ar ho di’ak,”nia kongratula.
Iha biban ne’e mós Komodoro Higinio kongratula Kapitaun Fragata Guido Guterres ne’ebé hetan fiar husi Komandu hodi ba halo fali kna’ar iha Kuartel Jenerál husu atu servisu di’ak.
Iha biban ne’e, Komodoro Higino afirma ho mudansa ne’ebé mosu iha Komponente Navál ne’e nudar tranzisaun ida ne’ebé Komandu F-FDTL komesa hala para neneik nenenik atu entrega forsa jersaun foun.
“Ne’e atu hateten saida ba ita boot sira signifika ida faze ida ba ona atu bele trázita kna’ar sira ne’e ba jerasaun foun.Tanba ne’e ita sei fiar katak lori forsa ne’e ba oin,” nia afirma.
Neves kompomente sei servisu hamutuk ho Segundu Komandante Komponente Navál hodi deszenvolve Komponente Navál ho di’ak.
“Hamutuk ita iha ne’e para ajuda ita iha apoia nia suporta nian para nia bele susesu iha nia knaar .Ita hotu servisu hamutuk para hodi bele lori Komponente Navál ne’e ba mehi ne’ebé ita-nia polítiku sira mehi atu sai forsa ida ne’ebé sata ita-nia rikusoin iha tasi, laos rikusoin de’it, maibé lori TimorLeste nia bandeira ba iha mundu,”nia subliña.
Nia husu ba membru Komponente Navál atu nafatin hatudu karatktere no displiña ne’ebé di’ak atu taner natin integridade institusaun F-FDTL ho di’ak.
Ekipa: Rápides Info
